alterum certamen poeticum

[Zythophilus]

Heu, certaminis oblitus carmen non composui! Me stupidum!

[Apollonios]

Zythophile mi, dic ut iocareris!
non possibile esse puto te in certamine carere, vel te diem sine versu intermittere!

[Zythophilus]

SALVE, Apo!

Code: Alles auswählen

Nullum paene diem fateor sine uersibus actum:
 Excidit, heu, menti debita Musa meae!
Carmina composui – mihi crede! – his multa diebus:
 Res cum sint uariae, nulla uolucris inest.


VALE

[Apollonios]

non iam sol occidit, Zythophile mi!

[Apollonios]

Apollonios sodalibus carissimis sal.

Consum meumque segreges commilitones manere non cupio! cui propositum est contubernali secunda pro parte certaminis? nisi abhorreant comites, cras sole occiso thema donetur a Conso cuius vocat nomen ordo alphabeti.

quod attinet thema, ultionem Consi remisse exspectam!

[Zythophilus]

Code: Alles auswählen

Carminibus non sunt in nostris – hercle! – uolucres
 nec celeris pinnis pipiat intus auis.
Cuinam blatta placet? De blattis carmina fiant!
 Efficiam, ut lepido carmine blatta canat.


[consus]

Ecce novum thema, amici: De insectis....

Code: Alles auswählen

Insectis nitidis laudem tribuamus oportet:
 Suavis eis stridor dulcis et est species.
Musca, culex, pulex, crabro placet, oestrus acerbus:
 Carmine bestiolas has decorate probas!

[Apollonios]

Apollonios Conso doctissimo et sodalibus sal.

themate iucundo proposito, iterum sex dierum spatium habeamus.
mementote legem certaminis:

Carmina ne sunto versuum minus decem neve plus sedecim.

camenæ proponamus postero die Mercurii, de meridie ad solis occasum in spatio.

Zythophilum interesse confido, precor concertare et Tiberim! denique omnes artem diligentes poeticam se invitatos esse sciant.

[Apollonios]

ne obliviscamini certamen! mementote cras ultimam diem esse certaminis partis secundæ. faveat vobis musa!

[consus]

Salve, Apo, poetria clementissima!
Oro te atque obsecro, ut dilationem nobis praebeas octo dierum. Tempus tam citato fugit gradu...

[Apollonios]

precibus tuis, Conse mi, resistere nec possum nec volo. dies dulcis Veneris, hebdomadæ posteræ, igitur sit finis.

[Zythophilus]

Code: Alles auswählen

Nondum exire licet. Patiens sis! Blatta, mandedum!
 Nondum intrare forum, metrica blatta, potes.

[Apollonios]

cras tandem dies est optata - nolite oblivisci poemata proponere!

[Zythophilus]

Code: Alles auswählen

Ecce forum parat hoc cimex inuadere sugens.
 Stercore deserto musca molesta uolat.
Sedula sex pedibus currit formicula pernix.
 Metrica iussa sequens – heus! – scarabaeus adit.
Mitte memor nostri blattas certaminis ictas
 et quidquid culicum per tua tecta uolat!


[consus]

Auctore Zythophili cum de blatta ceterisque insectis cogitarem, in mentem mihi venit CVLEX, quod carmen lepidissimum Appendice Vergiliana continetur.
Qua de causa fieri non potuit, quin ipse stilum prehenderem...

Code: Alles auswählen

De Culice

Foede culex, insectorum tu pessima proles!
Ictibus esse soles fremituque molestus acerbo.
Sed fueras homini quondam quoque causa salutis!
Sopito iuveni mordax arrepserat olim
Vipera: forte culex pungendo suscitat illum.
Nec mora: conspectam valido pede comprimit anguem,
Pro dolor! et culicem miseras demittit ad umbras.
Paenituit facti: tumulum congessit in altum
Atque animo grato titulum formavit honestum:
SIT MERITO CVLICI REQVIES AETERNA SEPVLCRO