Harrius Potter

[dalet]

Salvete!

Novistis adesse libros de Harrio Potter? Iam editi sunt "Harrius Potter et Philosophi lapis" et "Harrius Potter et Camera Secretorum"

Quamquam hanc fabulam de puero magico legere nolui (nec lexi), nunc ambos partes emi magnoque eos cum gaudio lego. Sane oportet assuescere paulum ad hanc linguam...

dalet

[Gustav]

salvete,
tertia pars Harri Potteris prodetur, annon?
valete

[nighean_neonach]

Lingua Graeca has fabulas legere volo Latine non lexi et non legam.

Mea ipsa lingua, lingua Scottorum (lingua Gaelica), non editae sunt

[consus]

Quod ad Henricum istum Figulum attinet, perpendite quaeso, amici, quid Plinius in epist. 3, 5, 10 de avunculo scripserit:

dicere ... solebat nullum esse librum tam malum, ut non aliqua ex parte prodesset

Ceterum censeo insaniae Figulari modum constituendum esse.

[Tiberis]

Ceterum censeo insaniae Figulari modum constituendum esse.

luculenter mehercle dictum, optime mi Conse !
tamen equidem timeo, ne omnino quaevis insaniae prorsus propriae huius temporis sint.

[Pyrrha]

Pyrrha Tiberi, Conso ceterisque sodalibus s.p.d.

Rectissime quidem Plinius, mi Conse: Alicubi audivi pueros omni fere legendi consuetudine carentes illis libris incitari, ut pluria legant - et quidem libros plurium centenarum paginarum! Item, libris illis etiam Latine editis fit, ut, qui ceterum in schola lentius fortasse ac laborosius paucas singulis horis sententias in sermonem Germanicum vertunt, facilitatem quandam Latine legendi acquirere possint (idem valet certe etiam de conversione Graeca, cuius, nisi fallor, primum volumen exstat).

Ceterum de Figulomaniae fine non sollicitarer: Initium finis enim iam factum est septimo et ultimo libro in lucem prodito, et non dubito septimi voluminis versione cinematographica e theatris sublata insaniam illam si non omnino ad finem peractam, tamen ad modum normale reductam fore.

Valeatis mihi quam optime!

P.S.: Si recte memini, legi interpretem de nomine Latine reddendo dixisse id nullam difficultatem praebere, cum Harrii nomen in Catulli carmine quodam inveniatur. Harrii nomen a littera h incipiens quidem nusquam legi, sed extat iucundissimum illud Catulli carmen de Arrio (LXXXIV), quem ob litteram h falsis locis pronuntiatam reprehendit: Num pravus ille pronuntiandi modus etiam ad ipsum nomen Arrii pertinet?

[consus]

Consus Pyrrhae amicae eruditissimae s. d. p.

Num pravus ille pronuntiandi modus etiam ad ipsum nomen Arrii pertinet?

Facetissime hercle dictum, optima; tamen interrogo, qua de causa interpres non scripserit „Henricus Figulus“. Timuisse eum puto, ne nomen eo modo Latine redditum parum in publico intellegeretur...

Utcumque se habet res, figulimaniam istam mox in tartarum deiectum iri gaudeo.

Vale atque vive. VII Id. Oct.

[Ioscius]

Mihi ipsi non placent fabulae magicae nisi Latinae vel Graecae

[Narcissus]

Quis est Henricus Figulus? Mihi tantummodo notus est Nigidius Figulus.

[consus]

Salve, Narcisse!
Anglice potter = Theodisce Töpfer = Latine figulus.
(Ut Crassus, Flaccus, Pictor..., ita et Figulus cognomen Romanum.)

[Gustav]

Petrus Needham translatione proxime completa laudandus est.
ubinam doctores Germanici sunt, qui aggrediuntur opera nostrorum poetarum transferre in linguam Latinam?
aeque laudanda est Sigrides Albert; aliquae narrationes Hermanni Hesse ab ea convertae et editae sunt anno MMVII.

doleo, satis non est.

ergo debemus perlegere istum Harrium Potter, quamdiu caremus industria interpretum nostrorum.

[Merkur]

ubinam doctores Germanici sunt, qui aggrediuntur opera nostrorum poetarum transferre in linguam Latinam?

cui autem bono? Nihil proficimus, cum febellulas recentissime conscriptas Latine deteriores facimus. Libros enim Latine vertere est inane quoddam ergastulum atque aridum. Quid hac re stolidius atque viris haud male doctis (non enim dubito quin tales sint illi qui librorum susceperunt Latine vertendorum opus) indignius? Ingenia et aetas teritur tum eorum qui vertunt cum eorum qui legunt.
Animam oportet reddatur Latinitati, nefas mihi videtur semel iterumque cadaver mortuum recalefieri; hoc modo et celerius putescat.

Quid opus est lingua qua nihil novi accipimus, qua nil nisi nugae agitantur, scibillantur, quae denique nullam habet utlitatem; quam linguam dixerim esse pondus quoddam inutile terrae.

Mea sententia non est tam laudanda Sigrides (quippe quae non abhorret quominus vim afferat Latinitati quaeque efficit ut Latinitas non modo redoleat Theodiscum sermonem, sed etiam sit Theodiscus sermo - latinis vocibus adhibitis) quam sunt laudandi Zythophili nostri temporis et Victorii Ciarrocchi. Ii enim lacertos recentes nervosque reddunt Latinitati. Iucunda quadam ingenii ubertate delectant.