quodque <=> quidque (Cic. orat. 11,36)

[ille ego qui]

hoc enuntiatum in lectione hodie matutina valde sum miratus :

quid est quo praescriptum aliquod aut formulam exprimas, cum in suo quodque genere praestet et genera plura sint?

nonne exspectares (pot. praet.?) potius "quidque" substantivum - an male intellego, quid Cicero velit? cui vestrum critica aliqua editio praesto est? similibus certe locis Cicero "quidque" posuit, velut hic:

quae, quicquid genuit, non modo animal, sed etiam quod ita ortum esset e terra, ut stirpibus suis niteretur, in suo quidque genere perfectum esse voluit.

(Tusc. 5,37)

bene valete

[Zythophilus]

Fortassis priore loco "quodque praescriptum" cogitare debes.

[ille ego qui]

istud quoque cogitabam. sed id parum consentaneum duco, si sensum totius paragraphi spectes?

[Tiberis]

mihi ad manum est editio Heidelbergensis (O.Seel, 1952), in qua legimus "quodque" apparatu critico tacente.
quid igitur? equidem puto hoc loco non multum interesse inter "quidque" et "quodque"; Cicero utrumque scribere potuit.
qui nescio an de iudiciis supra dictis (>varia enim sunt iudicia...) cogitaverit, ad quae "quodque" quodammodo pertinere videtur. ceterum non "quodque" solum, sed etiam "quid" et"quo" similiter ad illa "iudicia" se referre videntur, dummodo illa Theodisce verbo "(Beurteilungs)kriterien" reddamus.

[Medicus domesticus]

Inveni haec in libro, qui dicitur "Formenlehre der lateinischen Sprache; Neue, Wagener Teil 2":
"Quodque wird substantivisch sehr selten angewandt:...etc."

[ille ego qui]

gratias vobis omnibus ago, amici