de Herculis nomine Graeco

[ille ego qui]

salvete sodales,
lexicon Graecum docet alpha esse breve* in nomine Herakléous. contra Georgesius in adiectivo Latino Heracleus,a,um a longam* vult. quod ita esse hic versus Iuvenalis argumento esse videtur:

haec ego non agitem? sed quid magis? Heracleas

sed nonne verisimilius est istam syllabam - salvo lexici Graeci iudicio - non natura, sed positione longam esse?
bene valete



____________
*suntne litterae Graecae neutri**, Latinae femininae generis? ita quidem saepius iam vidi.
____________
*neutri (non: neutrius) generis, cum agitur de verborum genere grammatico

[ThomasVulpius]

*suntne litterae Graecae neutri, Latinae femininae generis? ita quidem saepius iam vidi.

τὸ γράμμα = littera

[durgicola]

lege sis

[Medicus domesticus]

sed nonne verisimilius est istam syllabam - salvo lexici Graeci iudicio - non natura, sed positione longam esse?

Ita est. cf.OLD: —> Hēraclēus,a, um (Ἡράκλειος,α,ον)

[ille ego qui]

gratias vobis ago, amici! OLD mihi astipulari iuvat
@Durgicola: ligamen/nexus/vinculum/copula tua nonne potius ad illud e/ei pertinet?

nonne mirum est, sodales? constat nomina propria Graecorum nunc - cum Germanice loquimur - legibus non Graecis, sed Latinis acui, i.e. accentibus instrui. sed in Heraklei, cuius forma Latina exstat Herculis?! tamen leges Latinas etiam in hac forma Graeca, quasi ea quoque a Romanis sit usurpata, adhibentur - certe ad similium nominum (Germanice: Sókrates, Aristóphanes ..., etiam Hérkules) analogiam.

valete