Wulff

[Teutonius]

non solum nolit ille impius Wulff stipendium honorarium remittere vel saltem diminui (ut antea ipse concessit!), non, imo contra etiam omnia quae, alii praesidentes acceperunt, ille avidus mendax quoque habere vult!!!
non possum tantum devorare, quantum vomitare possim!!! 8X<<<<<<<<<<<<<<<<<<<<<<<
Scitisne, qui illud stipendium probavit? Etiam scilicet amicus intimus, nimirum!

[Ghersburg]

Wulff ille bonus vir, immo homo nequissimus in vincula coniciendus est.
nonne sunt permulti homines qui in re publica versantur nequissimi ?

[ThomasVulpius]

Wulff ille bonus vir, immo homo nequissimus in vincula coniciendus est.
nonne sunt permulti homines qui in re publica versantur nequissimi ?

Quis est ille Wulff? Eum non novi. Loquiturne Latîne, Graece, Hebraice, Sanscritice?
Estne imperî nostri consul? Legionumne multârum imperator?
Quot barbarorum gentes in dicionem potestatemque populi Rômânî redêgit?
Non est. Nihil effêcit. Eum igitur flocci non facio. Abeat in malam crucem ille furcifer et crûricrepida!

[Tiberis]

miror, quanto in odio sit apud plebem Germanam ille Wulff, ut qui nulli nocuerit nisi sibi ipsi. peccavit quidem, sed tantam invidiam eum meruisse prorsus nego.

[DatIVus]

Praeterea, cur nobis hoc magistratu "Bundespräsident" appellato opus est ? O.o ... Opinione mea est rudimentum secundi imperii regum borussiorum et rei publicae Weimar et nostris temporibus non iam aptus est.

[ThomasVulpius]

Praeterea, cur nobis hoc magistratu "Bundespräsident" appellato opus est ?

Prōpōnō: praesidem prōvinciārum foederātārum

[ThomasVulpius]

... mendacia dixerit atque contra legem fecerit? ...

Virī omnēs mulierēsque, quī in rē pūblicā versantur, mendācēs sunt: Illud prōmittunt, hoc faciunt. Voluntātem populī nōn cūrant. Nēmō menadcior reī pūblicae gubernātōribus gubernātrīcibusque! Artēs līberālēs dētrectant et efficere volunt, ut līberī, quī scholās frequentent, quam stultissimī reddantur: scholam ūniversam īnstituērunt, scholam communem īnstitūtūrī sunt. Cīvēs stultōs maximē placēre eīs, quī ad reī pūblicae gunbernaculā sedeant, iam Erasmus Rotterodamus dīxit in eō dialogō, quī ἐγκώμιον μωρίᾱς vel laus stultitiae īnscrībitur.
Linguārum antīquārum studium dēspernunt atque in abiectō habent. Dispcipulōs mercātōrēs fore volunt, quī - ut exemplō ūtar - aedificia vēndentēs tōtam mundī oeconomiam labefactent atque tōtum genus hūmānum ad exitium et vāstitātem vocent.

[ThomasVulpius]

sed prohibere debemus, quominus praesides nequissimi creentur.

Omnes, qui ad rei pûblicae gubernacula accedant, nequissimi sunt!

[ThomasVulpius]

nonne sunt permulti homines qui in re publica versantur nequissimi ?

Immo vero omnes!

[Tiberis]

Prôpônô: praesidem prôvinciârum foaederâtârum

quod nimis lente dictum esse arbitror, praeterea parum recte: nam ille est praeses universae rei publicae, licet constet ex provinciis foederatis. quamobrem mihi magis placet: praeses confoederationis

Omnes, qui ad rei pûblicae gubernacula accedant, nequissimi sunt!

istam sententiam minime probo. quamvis in omnibus civitatibus fiat, ut tales viri in re publica versentur (quod quidem culpa eorum fit, qui eos creaverint), permulti eorum, quibus res publica commissa est, probi atque integri sunt. nonne, ut tria saltem exempla praesidum proferam, et Carolus Ciampi et Romanus Herzog et Vaclavus Havel ,viri praestantissimi, qui summo in honore apud cives suos fuerunt, munere praesidiatus optime functi sunt? cavendum est nobis, ne omnes pariter detrectemus, ne denuo desiderium "viri fortis" aut ducis novi excitetur.

[Zythophilus]

Germani id uix prohibere possunt, quia praesidem non ipsi eligunt.

[ThomasVulpius]

istam sententiam minime probo. quamvis in omnibus civitatibus fiat, ut tales viri in re publica versentur (quod quidem culpa eorum fit, qui eos creaverint), permulti eorum, quibus res publica commissa est, probi atque integri sunt. nonne, ut tria saltem exempla praesidum proferam, et Carolus Ciampi et Romanus Herzog et Vaclavus Havel ,viri praestantissimi, qui summo in honore apud cives suos fuerunt, munere praesidiatus optime functi sunt? cavendum est nobis, ne omnes pariter detrectemus, ne denuo desiderium "viri fortis" aut ducis novi excitetur.

Potentia sine abusu fieri non potest.

Tamen neque virum fortem neque ducem novum probo neque rei publicae imperatorem, sed feminam fortem reginam caeli totîusque rêrum universitâtis dominâtrîcem.

http://schola.ning.com/profiles/blogs/d-rg-d-v-n-m-st-t?xg_source=activity

[Zythophilus]

Num dea uult, lati dominatrix regia mundi,

istius populi sceptra tenere feri?

Horribiles per te Germanos nouimus esse,

Vulpi, nec rigida mente timere deos.

[ThomasVulpius]

Num dea uult, lati dominatrix regia mundi,

istius populi sceptra tenere feri?

Horribiles per te Germanos nouimus esse,

Vulpi, nec rigida mente timere deos.

Optime scripsisti, Martine!
Iam et Tacitus multa de orgine et situ Germanorum et ego scripsimus.

[Zythophilus]

Quae nunc sceptra tenet, tibi non placet Angela saeua,

nec colit ulla tuam femina pulchra plagam.