Tiberis omnibus sodalibus s.d.p.
nuper cum Rubinii, in oppido Croatiae amoenissimo, paucos dies commorarer, in aede Sanctae Euphemiae sacra hanc inveni inscriptionem:
D. EVPHEMIAE. TVMVLVS. EX. CHALCEDONIA. ANNO. DCCC.XIII.JVL. AD.HVIVS.MONTIS. CALCEM
A. PIA. MARIS. PROCELLA. DVCTVS. A. MONTE. INTIME. RECEPT(us). A. GEMINA. IVVENCVLA. AD. APICEM. ELAT(us est).
VNDA.SAXEA. MOLLE. SAXV(m).IVMENTIS.SVAVE.IVGV(m).ONVS.LE(ve). RVBINENSIVM.VERE.GEMMA.TVTELA.FAELICITAS.NVMEN.HIC.ADORATVR.
MDCLXXX
quid, quaeso, istud UNDA SAXEA sibi vult? qui potest fieri, ut unda, id est aqua (scil. maris), non liquida, sed saxea sit? mihi multum cogitanti nulla solutio aenigmatis ante oculos obversatur.
aut alius latet error? quis huic rei lumen adhibebit ?