de loco, quo auctor in auctorem invehatur

[ille ego qui]

scitisne, sodales doctissimi, QUI rerum scriptor antiquus QUEM rerum scriptorem antiquum maxime reprenderit, ut qui opus suum non oratione numeris soluta, verum versibus texuisset. quod amicus quidam (qui minime Latinista est) ex me quaerebat - ignarissimo ... nostisne, quibus de auctoribus hic agatur?
si quis scierit neque tacuerit, gratiam ei summam habebo

valete pugilice

[Pyrrha]

Salve Ille,
si recte memini, magiter meus in schola aliquando obiter mentionem fecit Taciti Annalium, quarum prima sententia "Urbem Romam a principio reges habuere" est hexameter. Num de hac agitur?
Vale!

[ille ego qui]

gratias tibi, Pyrrha.
nescio, sed mente fingere vix possum eam ob causam ab alio auctore vetere vituperatum esse Tacitum.
(qui hoc in hexametro id fecit, quod versus pangentibus paene vetitum esse videtur, ut in versus initio dua continentia poneret verba spondiaca. aliquo autem loco Propertiano, quo illud uno factum esse videtur, plurimi viri docti coniecturam volunt adhibere ...)