Quomodo brevi tempore lingua latina colloqui discam

[agricola]

Salvete collegae,

magister linguae Latinae sum et multos annos hanc linguam in schola discipulis docebam et doceo. Nunc hanc "website" inveni, sed raro - nimis raro - linguam Latinam loquebar.

Problema maxima mihi videtur lingua Latina esse "lingua Ciceronis" vel "lingua Caesaris", itaque lingua Latina mortuua est. Sed puto lingua Latina colloqui possibile esse, quia vos, collegae, hoc foro in dies utabamini.

Hanc epistulam scribere mihi labori erat, itaque vos rogo: "Qua linguam Latinam tamquam linguam vivam discere possum? quam celerrimo tempore!

Gratias ago,

agricola

[Tiberis]

salve, agricola!

itaque lingua Latina mortuua est

huic sententiae vehementer repugnandum est. nam qui potest fieri, ut pro mortua habeatur, cuius vigor usu veluti cottidiano comprobetur? ubique enim invenies, qui Latinitatem vivam colant,quod non solum his in paginis fieri solet; immo totum rete gregibus circulis foris ad Latinitatem vivam spectantibus prorsus abundat.

Qua linguam Latinam tamquam linguam vivam discere possum?

legendo, scribendo, exercendo
litteris antiquis quam diligentissime legendis efficietur, ut , quantum intersit inter Latinam et Theodiscam linguam in eadem re exprimenda, facilius cognoscas. nam barbarismis sive germanismis evitandis summa opera tribuenda est.
deinde quam saepissime scribendo tibi opus est. magno e.g. tibi usui fore pro certo habeo, si colloquiis nostris aut sermonibus aut aenigmatibus intereris. memento usum esse optimum magistrum !
denique libelli quidam utilissimi exstant ad tirones Latinitatis vivae spectantes, quibus si utereris, non dubito, quin plurimum proficeres, e.g. "piper salve"(cursus vivae Latinitatis), ed. Klett, Francoforti MCMXCII;
agedum amice. "incepto tantum opus est; cetera res expediet."
vale!

[agricola]

Salve Tiberis,

gratias tibi ago, quia librum "piper salve" recommendavisti. Sed quero hoc librum nusquam emi posse. Nec in amazone nec in ebayo nec in toto reti invenire poteram. Quid faciam?

Fortasse lingua Latina vivit, sed desidero Latinitatem vivam tamquam francogallicam aut inglesiam, in qua colloquitur celeriter et sententiis brevibus in hoc modo, ut iuventus colloqui solet. Tamen libeat, si lingua Latina loqui discerem, ut quamlibet sententiam Latine sine mora dicam.

Vale!

[ille ego qui]

Ille Agricolae p.s.d.

Tiberis verbis nil fere adicere possum, nisi ut tibi eum prodam nexum, quem his in paginis paucis ante diebus commendavi:
http://schola.ning.com/
qua in pagina novissima locutorium exstat, quo viva voce uti liceat, dummodo tibi sit megaphonum microphonumque. noli timere, ne unos peritissimos illic convenias neque lapsibus aut tardore te irrideant reprendant contemnant! immo vero, cum et tirones et peritiores illic versentur, quivis tecum libentissime seu balbutiet seu confabulabitur seu disputabit.
praeter omnia tamen oportet homines Latine loquendi cupidos peritosve praesentes convenias, quod cum alias tum quotannis in Septimana Latina Amoeneburgensi feliciter licet.

at quorsum, amice, tam cito loqui discere gestis? haben in animo Latinitatem vivam discipulis quoque inferre? (quod si ais, te prorsum laudo!)

vale.

[agricola]

Salve illo ego qui,

nescio causam, sed cum usque ad quinque annos magister linguam Latinam docerem, duobus fere annis ante voluptatem obscuram accepi. Nec in studio nec in schola (ineunte magistro) mihi tanta libido colloquendi Latine erat quanta postremis annis.

Puto, si lingua Latina loqui potero quam lingua Britannica, discipulis (et ita mihi) magno usui esse potero.

Gauderem, si Ciceronem, Silium Italicum, Vergilium et plerosque auctores Romanos legerem tamquam auctores Germanicos.

vale!

[ille ego qui]

ad quod impetrandum quid faciendum sit, tibi diximus. feliciter!

[agricola]

O ego ille qui,

gaudeo me tam multa consilia a te accepisse. Sodalis nexi a te commendati (http://schola.ning.com) factus sum. Sed nescio quomodo aut quo loco cum aliis sodalibus loqui possum. Sed inveniam, confido.

Vale!