De translatione difficili

[Laecasin]

Salvete,

quomodo transferatis rogationem Germanicam "Welcher Tag ist heute ? / haben wir heute ?"
Qualis dies est ? Quid dies est ?
Quid dicitur in usu ?

[ille ego qui]

equidem dicere soleo: qui est (hic) dies / quo die sumus?

porro non certo scio, tamen rogo - dicite mihi quaeso -, num haec quoque dici possint:
a) quis est dies? (de "quis" enim et "qui" hoc in foro sermo iam fuit)
b) quid est diei?

emendatote quaeso, peritiores, si quid fuerit emendatatione dignum ^^. praesertim cum in "Diogene" (programmate "computatrali") ex hisce meis propositis nullum invenerim.

valete.

[Sauron]

Salve,

in libro "Lateinischer Sprachführer" nominato "Quem diem habemus?" invenitur,
sed hoc vitiose versum videtur.

Quid vobis de hoc?

[Tiberis]

in libro "Lateinischer Sprachführer" nominato "Quem diem habemus?" invenitur,
sed hoc vitiose versum videtur.

verba abs te citata, quamquam nescio an litteris non comprobata sint, tamen falsa esse non puto, praesertim cum "habere" a verbo Theodisco "haben" non multum differat. utcumque : nullum fere civem Romanum fuisse puto, quin haec intellexerit.

[ille ego qui]

modo apud Diogenen inveni:

M. Tullius Cicero, Philippicae
oration 14, section 14, line 2

Scitis enim per hos dies creberrimum fuisse sermonem, me
Parilibus, qui dies hodie est, cum fascibus descensurum.

=> etiamsi hoc loco non de "dato", sed de quodam die festo agitur, quidni dicamus: qui dies hodie est?

ceterum: ex Diogene etiam comperi "diem" "agi" quoque posse, unum vero apud Tacitum:

Cornelius Tacitus. Historiae (Cornelii Taciti Historiarum Libri,
ed. C. D. Fisher, 1911). (1351: 004)

book 1, chapter 29, line 10

Piso pro gradibus domus vocatos in hunc modum ad-
locutus est: 'sextus dies agitur, commilitones, ex quo igna-
rus futuri, et sive optandum hoc nomen sive timendum erat,
Caesar adscitus sum.

=> ergo fortassis etiam qui dies hodie agitur?

[Tiberis]

qui dies hodie est?

bene ! ex quo evenit, ut verum esse illud proverbium videatur, secundum quod "pluribus viis Romam pervenimus".

[Laecasin]

omnibus vestrum gratias ago !