Dies festos vobis felicissimos...

[consus]

Amicis suis sal.

Arva canis sunt nivibus repleta
Cuncta, concreta glacie laborant
Tramites. Terret Boreas nivosus

Corpora nostra.

Sed salutaris calor intus ardens
Corda permulcet glaciata nostra:
Namque nascentis celebratur hora

Mystica Christi.

[Zythophilus]

Vt placida, exopto, pax pectora uestra gubernet

atque hoc lis taceat tempore dira sacro.

[Laecasin]

Non satis Musae meae uberant ad versus faciendos, sed tamen etiam vobis nonnullos dies quietes atque laetos exopto !

[Tiberis]

solvit acrem nunc glaciem favoni
spiritus lenis gelidas nivesque.
ipsaque intermittere hiems videtur
hisce diebus.

corda mitescant utinam atque mentes
spiritu nati pueri. o sodales,
ut dies , opto, placidos agatis
atque quietos.