De muro ante XX annos lapso

von **Zythophilus** » Mo 9. Nov 2009, 18:39

Quattuor ex illo sunt tempore lustra peracta,

quo uis pacificis uicta cruenta uiris.

Vrbs diuisa diu rescindit moenia laeta,

libertas petiit debita iura sibi.

Ciuibus immitis cessit lapsura tyrannis,

dum monstrat populus se populum esse ualens.

von **consus** » Di 10. Nov 2009, 13:49

Versibus Austriacis possim quid iungere pulchris,

Nescio; sed grates nonne referre licet?

von **Zythophilus** » Di 10. Nov 2009, 21:25

Moenia uanescunt, quibus urbs diuisa dolebat.

Moenia ubi fuerint, quaere, puella, ab auo!

Quamquam uix remanet lapis aut later ullus eorum,

moenia post annos haec animi tot habent.

von **Zythophilus** » Di 10. Nov 2009, 22:24

En, maledic aliis, uerum fuge dicere falsa.

Num quis habet probri stultitiaeque parum?