Disticha paschalia

von **Zythophilus** » Do 9. Apr 2009, 21:56

Scribere temptemus paschalia disticha, amici.

Talia uti fiant, tempora sancta monent.

von **Zythophilus** » Do 9. Apr 2009, 21:57

Vltima discipulis cum Christo cena paratur

seque dat his Dominus nocte cadente nigra.

Qui tinguit calicem, sanguis erit ipsius humor,

et corpus Domini panis agrestis erit.

von **Zythophilus** » Fr 10. Apr 2009, 09:27

Impie, traditus est tua falsa per oscula Christus,

et comprendit eum tunc manus arma gerens.

Argentoque dato mors saeua parata magistro

et mortem ante paras noxius ipse tibi.

von **Zythophilus** » Fr 10. Apr 2009, 15:00

Nex perimit Iesum. Crux spes auferre uidetur.

Pollicitus uitae munera morte perit.

von **Zythophilus** » So 12. Apr 2009, 00:00

Christum non retinent surgentem uincula mortis

et lapide amoto licta sepulcra patent.

O, ne quaesieris Stygiis in sedibus illum,

quem mortis tenebrae tres tenuere dies!

Deuicta superas rex morte reuertit ad auras,

ut tibi uita, miser, continua esset, homo.