aenigmata minoris gradus

[Christophorus]

Salvete, consortes,
mihi videntur aenigmata huius fori hominibus - ut me - humilioribus saepe non apta esse.
Itaque fortasse aenigmata faciliora ineunda proponere volo. Quaeitur titulus carminis aut pelliculae cinematographicae.
Ei, qui solvit, novum aenigma creandum est.
Nunc mihi initium facere liceat.

Aves molestae candidi coloris non iam valent.

[Apollonios]

ni fallor, quæsitum est: Alfred Hitchcock, The Birds / Aves.

[Gustav]

dico solutionem esse carmen fictum Germanico poeta Christoph Busse et cantatum de Hans Hartz: „Die weißen Tauben sind müde”.

[consus]

aenigmata faciliora

Iucundum quidem aenigma, mi optime Christophore, neque vero facilius... In maximis inscientiae tenebris versor.......

[Christophorus]

dico solutionem esse carmen fictum Germanico poeta Christoph Busse et cantatum de Hans Hartz: „Die weißen Tauben sind müde”.

optime et celerrime solutumst

Germanismo uti volo: tu es, Gustave

[Christophorus]

Gustave ... ?

[Gustav]

sodalibus bonam diem Domini exopto.

aliquid maximi momenti eo loco (latitudine 28° 33.350'N, longitudine 33° 58.580'E inventum erat in sæculo MCM.

quaero

> indagatoris nomen
> nomen rei

industriae Dea vobis gugulendibus adsit.

[consus]

Pax tecum, Gustave!
Re diligenter considerata instrumentisque nauticis adhibitis hoc scribere ausim:
28° 33.350'N, 33° 58.580'E: Dayr al Qiddisah Kātrīnā, id est Monasterium S. Catharinae.
1) Constantinus de Tischendorf,
2) Codex Sinaiticus.
***
Equidem etiamnunc nescio, qua de causa, pro di immortales, Christophorus noster scripserit „aenigmata minoris gradus“.

[Gustav]

Gustav Conso salutem exoptat.

G R A T U L O R!

quippe solutio est.

Vale.

[Christophorus]

Mi Conse ...?
Novum aenigma, quaeso, nobis propone.
Nota bene: titulus carminis aut pelliculae cinematographicae .

[consus]

Propediem, amice --- cum ex itinere revertero.

[consus]

Quo in libro anno MMIII Anglice composito, amici, quave in pellicula anno MMVII facta de duobus agitur pueris, qui rebus ex charta glutinoque effectis anno MCMLXXV inter se lusisse dicuntur, idque in regione Asiatica nostra aetate sceleribus islamistarum foedissime vexata?

Quasi praeteriens haec addere velim:
Nomen illius nationis ductum est a vocabulo, quo ipsius lingua leo significatur. Hominesque lingua loquuntur indoeuropaea.

[consus]

Num aenigma difficilius, amici?
Pellicula illa his ipsis diebus considerari potest...

[Christophorus]

Num aenigma difficilius, amici?
Pellicula illa his ipsis diebus considerari potest...

Itast - vae me
Etiam potestas illius nationis inveniendae mihi deest.

Sed quaerere pergam.

[Tiberis]

cum nonnullas imagines in interrete viderem, tam vehementer sum commotus, ut non facere possim, quin eam pelliculam quam primum spectem. o terram crudelissime vexatam, in quam protagonista sui expiandi causa post multos annos rediit !
tamen nomen pellculae alii dicunto !