lingua Latina et ecclesia catholica

[Zythophilus]

Code: Alles auswählen

Excruciare placet tibi membra Deoque placere
 - heu! – tormenta putas, quae faciat sibi homo.
Errat homo peccatque, ideo si castigat artus
 seque cruentata carne placere putat.
Filius e caelis, ut mortem morte crucemque
 tolleret, est missus, – uae! – subiitque crucem.
Et bene facta placent, cibus et donatus egenti.
 nec petit a nobis saeua flagella Deus.
Gaudia promisit uouitque uirentia prata
 pollictusque uiris pocula plena mero.
Vltima non praestant hoc mundi gaudia fines,
 ast haec transitio ne sit in orbe labor.


[L. Leontius Lavo]

Lavo Catholico, carissimo fratri in Christo, ceterisque sodalibus s. d. p.

Vere Latinitatis pulcritudo mentes fidelium ad sapientiam divinam cognoscendam per secula adducebat, sed nunc in ecclesiis toto orbe terrarum barbarorum mores dolendi imperant. Nulla est pulcritudo, nulla devotio. Hanc rerum perturbationem "fenestra aperiendi" effectum esse puto. Quid autem nobis faciamus? Cultus atque humanitas Romanorum Graecorumque olim perfuerut, nunc Christianorum cultus moritur. Utinam falsus vates sim.

Valete bene!