Quem Brunensis habet crocodilum curia curua,
uulgo terribilis dicitur esse draco.
Hoc ingens posita est etiam rota lignea tecto,
quam citius narrant composuisse fabrum.
Turricula obliqua est albentis frontibus aedis:
Hoc mensor stomachans plura decore petit.
Saxeus haud procul hinc monstrum detinet heros
horribilis superans ui tria colla canis.
Num satis est nobis portenta domusque uidere?
Te, Pegase, fugit teque, Lyaee, sitis.