http://www.museum.hu/images/13/0337_intro01.jpgIn se qua Danubius flumen minus accipit alter
et minor immiscet fluctibus amnis aquas
firmaque Romani posuerunt castra potentes,
huc breue fecit iter nostra bibosa manus.
Magnifica aspicitur mirandaque curia et alta,
quae recuocat muris tempora lapsa suis.
Lenis habet fanum celebratum a praesule collis,
qua pia gens Mariae numina sancta colit.
Haud procul a templo Christi de pane monemur,
quem uiolasse cohors dicitur et ira furens.
Pulchra uetusque tibi domus haec est, Xante, dicata,
qui studium dederas ingeniumque feris.
Arida membra auium pallentiaque ossa ferarum
et ueteres pelles huic domui esse reor,
sed prohibet sera nos aditu spectare uolentes,
et modo, quae lateant, suspicor, intus opes.