Nugae

[Zythophilus]

MARTINVS IVRISCONSVLTO ET MEDICO SAL
Me hunc fructum nomine "Eierkürbis" apud Interspar emisse puto, sed imagines eius non inuenio. Cauum cucurbitae carne et caseo ouili farsi.
VALETE

[Zythophilus]

Sanctorum memor est tibi grex, o Christe, sacratus,

qui tua te, princeps, regna uolente colunt.

[Tiberis]

Ultimam qui se generationem
nominant, pravae iuvenum cohortes,
cum putant sese calefactionem
sistere caeli,

quas gerunt, rebus populum molestant.
glutine affixi modo commeatum
in viis omnem impediunt perosi
autocineta,

negleguntque illos, ope qui indigebunt,
sive casu sunt modo sauciati,
seu carent quodam medicamine aegri
auxiliove.

Oblinunt pictas tabulas colore
(arte num caelum calefit vetusta?),
oblinunt aedes prohibente nullo
Londinienses.

Quondam apud Seres furiosa turba
civitatem terruit imbecillam.
Terruit cives iuvenilis error
visque libelli.

Civitas ne umquam simili furore
nostra vexetur minime ferendo,
quatenus possunt videant regentes
mente severa.

[ille ego qui]

Salve, optime Tiberis!
Ignoscesne mihi, si ego te, poeta, perosus mente severa molestavero?
- autocinetum i longam habere arbitror
(idem mendum iam apud Michaelem ab Albrecht deprehendi.)
- imbecillus e longam habet

Cura ut valeas!

[ille ego qui]

Confer:
http://www.zeno.org/Georges-1913/A/Acinetos?hl=acinetos

[Zythophilus]

Perdita rhaeda iacet saeuum cinefacta per ignem,

ut nequeat flammis usta mouere rotas.

[Zythophilus]

Werd ich zum Augenblicke sagen: „Verweile doch, du bist so schön!“
Responsum momenti
„Non possum remanere nec morari.“
momentum, „fugio, meum est abire,
cum me stare uelis uocesque pulchrum.“
dicit defugiens neque hic moratur.

[Zythophilus]

Quis Patroclum nosset simulantem se male Achillem,

ni caesus moriens Hectoris ense foret?

[Tiberis]

- autocinetum i longam habere arbitror
- imbecillus e longam habet

neglegenter composui poema:
Christianus me merito reprendit.
cui voluptatem exhibuisse quandam
menda videntur.

[Zythophilus]

Ille laetatur Tiberim reprendens,
Christianus, cum numerantur huius
menda, quae charta a Tiberi notata

uersibus insunt.

[ille ego qui]

[mystica]

[Zythophilus]

Nonne melius scribendum est mutari"?

[Zythophilus]

https://kurier.at/wissen/wissenschaft/3 ... /402212034
„Quos coma barbaque habet, pereant hoc pectine pedes.“

In uetere haec possunt pectine uerba legi.

[ille ego qui]

fabellas, quae mihi excogitavi

Num tibi tantum nec nobis?
Cave dativum!

"Sibi aliquid fingere / excogitare" mea quidem sententia bene habet