Expressio arithmetica.

[Laptop]

Salvete amici, quis ex vobis queat hanc expressionem arithmeticam in verba latina reddere:

3,14 / 3,14 = 1

(germanicis verbis: "Drei Komma Eins Vier durch Drei Komma Eins Vier gleich Eins")

gratias vobis ago in antecessum, Laptop

[consus]

Qua de causa, pro deum atque hominum fidem, haec verba Latine vis reddi, amice? Noli iocari!!!

Utcumque se habet res, scribere tibi licet:

Terna atque quaternae denae centesimae semel in se ipsis continentur.

[Laptop]

Hoc pro jocus non habeatur. Immo quaero expressiones arithmeticas in latinam reddere, et praesertim quod ad divisionem pertinet nullam divulgatam normam adhuc inventabam. Libenter versionem commodam adhiberem, utputa:

tres virgula unum quattuor in tres virgula unum quattuor (divisum) facit unum.

sed nescio, an licet ita dicere.

Versio tua recta certo sit, at nonne est paululum rigida, praesertim erga actiones vitae?

[consus]

Salve, Laptop sive Computatrum Portabile!

Operae pretium videtur esse hunc inspicere librum veterem:

http://www.uni-mannheim.de/mateo/camenaref/schott.html

Praeterea, quod ad rationem multiplicandi attinet, legi oportet, quid Cicero scripserit (nat. deor. 2, 49; cf. Menge § 50, 1a):

Quot sunt bis bina? (2 x 2 = ?)

Qua de causa etiam quod ad modum dividendi pertinet, numeris iterativis et distributivis utendum esse censeo.
Quid ergo?

Quotiens terna atque quaternae denae centesimae in ternis atque quaternis denis centesimis continentur?

Terna atque quaternae denae centesimae in ternis atque quaternis denis centesimis semel continentur.

Forsitan Newton, Leibniz, Gauss ceterique viri doctissimi rem aliter explicarint.

tres virgula unum quattuor in tres virgula unum quattuor (divisum) facit unum.

Quae verba, quod pace tua dixerim. amice, mihi non probantur. Germanismum enim videntur olere.

Servus.

[Teutonius]

Heißt der Nominativ dann so: 3,14 = tres atque quaternae denae centesimae (3 und je 14/100)?
Geht auch: tres et quartae decimae centesimae?
Oder steht beim "sigularischen" Plural (castra, litterae) immer eine Verteilungszahl, ohne daßdas dann "je" bedeutet?

[Teutonius]

Kann man statt "terni" auch "trini" sagen, oder ist da ein Unterschied?

[Merkur]

Augustin rechnet in einem Sermo auch einmal herum, dann heißt es:

Quindecim in tria divisa faciunt quinque partes.

[consus]

Hoc in foro LATINE loqui oportet. Videant adminstratores moderatoresque...

[Pyrrha]

Salvetote omnes.
Hoc in libro, quod ad expressiones arithmeticas recte pronuntiandas attinet, quaedam inveniri possunt:
http://books.google.de/books?id=DuM2AAAAMAAJ&printsec=frontcover&dq=arithmeticae+tum+numericae+tum+literalis,#PPP1,M1
(Gratias I.C.Rossi, qui hunc librum benigne mihi indicavit.)

Dicit auctor quidem clare
a + b dic: a plus b, hoc est, ad a additum est b.
a - b dic: a minus b, hoc est, ab a ablatum est b.
a*b: a multiplicatum per b.
a:b est a divisum per b.
De decimalibus nihil quidem certi dicit, sed solebant quidem per plurimum tempus mathematici fractionibus uti potius quam ipsis decimalibus, ergo censeo decimales more fractionum esse pronuntiandas. In loco denominatoris autem - hunc saltem secundum librum - dici solet numerus simplex, ergo 2/3 duae tertiae (cf. §26); idem quidem in Schott proponitur (p.30).

Numerus 2 apud Eulerum dicitur "binarius"; 1 nonnumquam "unitas". Quod ad multiplicandum dividendumque attinet, idem plus minusve dicit.

Certe est lingua haec mathematica valde technica caretque Cicroniana elegantia, tamen mea quidem sententia in rebus mathematicis inquirendum est potius, quid dicant illuminationis auctores recentioresque, quippe quod multo propius accedere videatur ad hodiernum modum de mathesi tractandi, necnon maxima pars rerum tali ratione multo simplicius exactius exprimi possunt.

Obiter dictum: quidni dicas π/π=1? quamquam certe 3,14 non omnino idem est ac π, sed certe hic numerus ante oculos tibi versabatur?

Valete!