Nugae

[Zythophilus]

Incipiens mensis cito me portabit Athenas,

ut uideam Danaum dona relicta libens.

[Zythophilus]

Factum est per liquidum nobis iter aera ad urbem,

quam geminum regem constituisse ferunt.

Nobilis Acropolis nobis scandatur, ut est mos,

candida ubi summae stant sacra fana deae.

Maxima in Acropoli fecerunt saecula damna,

suntque aequata solo candida tecta iugi,

et quae noluerat caecis Mars uertere telis,

fur artem cupiens nobilis inde tulit.

Quae fuerant fanis, habet ornamenta noua aula,

ne noceat statuis imber et acris hiems,

ni rapuere loco lapides et saxa Britanni,

museis ut opes sculptaque saxa darent.

Magnifica intrantem populum propylaea salutant,

nec procul armipotens diua Minerua fuit.

Cui non sunt alae, minimum Victoria templum,

posteritas uersum quod recreauit, habet.

Magnus Erectheas princeps iam non habet arces,

primus ubi fertur rex iacuisse Cecrops.

Ecce puellarum posita est hic saxea turba,

cum reddi patriis sedibus una uelit.

Qua uersante procul remanentes quinque sorores

exaudire potes nocte nigrante queri.

Hostibus expulsis ibi sunt delubra refecta

uersa graui bello Xerxe iubente prius.

Hic fuerat tectum, quod ferrea dona tenebat,

et tua – nil mansit -, Prosope pulchra, domus.

Hac regione uiret, dea quam donauit, oliua,

semper uti bacae Pallade dante forent.

[Zythophilus]

Vergina Bier.png (91.93 KiB) 1554-mal betrachtet

Sitne liquor, quaeris, Cerealis in urbe Mineruae

uinane resina condita ubique bibam.

In lepidis etiam bibitur ceruisia Athenis

et sub Cecropia pocula plena peto.

[Zythophilus]

Turm der Winde.png (92.95 KiB) 1540-mal betrachtet

Octo stat media uentorum turris in urbe

nec fora ab hac cernis magna patere procul.

[Zythophilus]

https://athens-tourist-information.com/ ... mation.jpg
Miles ubi ignotus fertur situs esse Pelasgus,

praesidio tumuli stat bene cincta cohors

consistitque die Domini mirante caterua,

talis enim multis lusus in urbe placet.

[mystica]

.

[Zythophilus]

Lysikrates.png (219.42 KiB) 1491-mal betrachtet

Cognita uictoris remanent monumenta choragi,

sed ueteres pridem iam periere sonus.

[mystica]

.

[Zythophilus]

Caesaris intrantes Hadriani porta salutat,

si libet Acropolim templaque adire deum.

https://upload.wikimedia.org/wikipedia/ ... s_Arch.jpg

[mystica]

.

[Zythophilus]

Athen Wien Feb 24.png (115.96 KiB) 1411-mal betrachtet

In patriam redii, liqui tua, moenia, Erechtheu,

nec sacra Athenarum scandere templa licet.

[Zythophilus]

Alexander Athen.png (70.84 KiB) 1398-mal betrachtet

Maius Alexandri Scupis signum stat equestre:

Aes uilius Scupis posse uidetur emi.

Thessaliae quoque eques prope litus maior aenus:

Paruus Alexander diuite in urbe sedet.

[mystica]

.

[Zythophilus]

Innumeris tegitur Ceramici terra sepulcris

et testudo uirens hic pigra gramen edit.

Non redeunt olim mortales funere functi,

sed rediuiua nouo bestia uere redit.

[Zythophilus]

Hic tenuit carcer discordis Socratis artus,

nec seclusa tamen mens sapientis erat.